O‘zgidromet xizmatining ma’lum qilishicha, yaqinlashib kelayotgan dam olish kunlarida O‘zbekiston hududi bo‘ylab ob-havo o‘zgaruvchan bo‘lib, ayrim hududlarda qisqa muddatli yog‘ingarchiliklar kuzatilishi mumkin. Shunga qaramay, umumiy harorat fonining me’yoriy ko‘rsatkichlardan sezilarli darajada pastga tushishi kutilmayapti.

Mutaxassislarning prognozlariga ko‘ra, juma kuni respublika bo‘ylab kam bulutli va nisbatan iliq ob-havo saqlanib turadi. Kunduz kuni havo harorati +17…+22 darajagacha isiydi, yog‘ingarchilik kutilmaydi, bu esa aholiga o‘z rejalarini ochiq havoda amalga oshirish imkonini beradi.

Biroq shanba kunidan boshlab ob-havoda o‘zgarishlar boshlanib, Qashqadaryo, Surxondaryo, Samarqand va Jizzax viloyatlarida, shuningdek, kechga tomon Toshkent viloyatining ayrim joylarida biroz yomg‘ir yog‘ishi ehtimoli bor. Oylikning so‘nggi kunida va 1-noyabr tongida Farg‘ona vodiysi viloyatlarida ham namgarchilik sezilishi mumkin, baland tog‘li hududlarda esa yomg‘ir qorga aylanishi ehtimoldan xoli emas.

Mamlakat poytaxti Toshkent shahrida 30—31-oktabr kunlari yog‘ingarchilik kutilmaydi, biroq 1-noyabrga o‘tar kechasi va ertalab biroz yomg‘ir yog‘ishi prognoz qilinmoqda. Toshkentda harorat kechalari +8…+10 daraja, kunduz kunlari esa +20…+22 daraja atrofida bo‘lishi kutilmoqda.

Source: www.gazeta.uz