Gurjiston poytaxti Tbilisida muxolifat partiyalarini taqiqlash haqidagi daʼvo Konstitutsiyaviy sudda koʻrib chiqilayotgan keskin sharoitda minglab odamlar norozilik yurishida qatnashdi. Muxolifat yetakchilari bu harakatlarni mamlakatda yangi noroziliklar toʻlqinining boshlanishi deb atab, joriy yilning 28-noyabr kuni yirik aksiya oʻtkazishni rejalashtirayotganini maʼlum qildi.

DW xabariga koʻra, oktyabr oyi oxirida Tbilisida hukmron «Gurjiston orzusi» partiyasining siyosatiga qarshi «Ivanişvilisiz Gurjiston» shiori ostida ommaviy yurish oʻtkazilgan. Ushbu tadbir muxolifat kuchlari va fuqarolik jamiyati vakillari tashabbusi bilan tashkil etilgan boʻlib, jamiyatdagi chuqur siyosiy tanglikni yana bir bor namoyon etdi.

«Kavkazskiy uzel» nashrining yozishicha, aksiya qatnashchilari Tbilisi davlat universitetidan Rustaveli shohkoʻchasi tomon harakatlangan. Namoyishda minglab fuqarolar ishtirok etib, Gurjiston, Ukraina hamda Yevropa Ittifoqi bayroqlarini koʻtarib borgan. Huquq-tartibot organlari esa tartibni saqlash bahona hududga koʻp sonli kuchlarni jalb qilgan.

«Oʻzgarishlar uchun koalitsiya» yetakchisi Nika Gvaramiya miting oldidan bu aksiyani noroziliklarning yangi toʻlqini boshlanishi deb atagan. U 28-noyabr kuni imkon qadar koʻp odam toʻplanishi muhimligini taʼkidlagan, chunki bu sana mamlakatda avval boshlangan ommaviy namoyişlarning yilligiga toʻgʻri keladi. Shuningdek, «Yevropa Gurjistoni» yetakchisi Giga Sereteli ham Yevropa regimidan ilhomlangan koʻrsatmalar va siyosiy cheklovlar davom etayotganini iddao qilib, mamlakatda demokratiyaga putur yetkazilayotganini vaj qilgan.

Source: kun.uz