Portugaliya terma jamoasi bosh murabbiyi Roberto Martinez 2026 yilgi jahon chempionati uchun 27 nafar futbolchidan iborat tarkibni e'lon qildi. 41 yoshli afsonaviy hujumchi Kristianu Ronaldu oltinchi marta jahon chempionatida ishtirok etadi.

Martinez matbuot anjumanida marhum Diogo Jota xotirasiga bag'ishlab, tarkibga "+1" qo'shimchasini kiritdi. "U bizning kuchimiz va quvonchimiz. Diogoni yo'qotish unutilmas va juda og'ir lahza edi, ammo ertasi kuni uning orzusi va milliy terma jamoada ko'rsatgan namunasi uchun kurashish bizning burchimizga aylandi", dedi murabbiy.

Portugaliya guruh bosqichini 17 iyun kuni Xyustonda Kongo Demokratik Respublikasiga qarshi o‘yin bilan boshlaydi. 23 iyun kuni O‘zbekiston bilan to‘qnash keladi va 27 iyunda Mayamida Kolumbiyaga qarshi guruhni yakunlaydi.

Martinez to‘rt darvozabon va besh qanot himoyachisini chaqirishni himoya qilib, turnir murakkabligi, ob-havo va vaqt mintaqasi talablarini hisobga olganini ta'kidladi. "Har bir pozitsiyada ikki nafardan ortiq o‘yinchiga ega bo‘lishimiz kerak", dedi u.

Tarkibga kiritilmagan futbolchilar orasida Mateus Fernandes, Rikardo Horta va Pedro Gonsalves bor. Portugaliya 6 iyun kuni Chili va 10 iyunda Nigeriya bilan o‘rtoqlik uchrashuvlarini o‘tkazadi.

Source: www.aljazeera.com