Myanmaning shimoliy-sharqiy qismidagi Shan shtatida, Xitoy chegarasi yaqinidagi Kaung Tat qishlog‘ida sodir bo‘lgan kuchli portlashda kamida 46 kishi halok bo‘ldi, 70 dan ortiq kishi yaralandi. Mahalliy matbuot va isyonchi guruh ma’lumotlariga ko‘ra, portlash portlovchi moddalar omborida yuz bergan.

Portlash mahalliy vaqt bilan soat 12:30 da (GMT 05:50) ro‘y bergan. Bir necha uy vayron bo‘lgan, qutqaruv ishlari davom etmoqda. Shwe Phee Myay axborot agentligiga ko‘ra, qurbonlar soni 55 nafarga yetgan bo‘lishi mumkin.

Ijtimoiy tarmoqlarda tarqatilgan videolarda ulkan tutun ustuni va keyingi portlashlar aks etgan. Boshqa suratlarda esa butunlay vayron bo‘lgan binolar ko‘rinadi.

Portlash Ta’ang Milliy Ozodlik Armiyasi (TNLA) nazoratidagi hududda sodir bo‘lgan. TNLA Myanmada eng kuchli isyonchi guruhlardan biri bo‘lib, o‘nlab yillar davomida markaziy hukumatdan ko‘proq avtonomiya uchun kurashmoqda.

TNLA Facebook’dagi bayonotida portlashni tasdiqlab, saqlanayotgan portlovchi moddalar kon ishlarida ishlatilganini ma’lum qildi. Hudud yoqut konlari bilan mashhur. Guruh portlash sabablarini tekshirish va aybdorlarni javobgarlikka tortishni va’da qildi.

Source: www.aljazeera.com