Shveytsariya terma jamoasining asosiy hujumchisi Breel Embolo Jahon chempionati uchun AQShga uchgan jamoadoshlariga qo‘shila olmadi. Sabab — uning ESTA (Elektron sayohat ruxsatnomasi) hujjati qayta ko‘rib chiqishga qo‘yilgan.

Shveytsariya futbol federatsiyasi bayonotiga ko‘ra, Emboloning ESTA ruxsatnomasi ertalabgacha amalda bo‘lgan, biroq soat 10:30 da uning arizasi qo‘shimcha tekshiruvga yuborilgan. Jamoa San-Diegodagi yig‘inga jo‘nab ketgan, birinchi o‘yin 13-iyun kuni Qatarga qarshi.

24 gol urgan 86 o‘yinlik tajribali futbolchining muammosi 2018-yilda Baseldagi janjal bilan bog‘liq. 2023-yilda u bir necha marta tahdid qilishda ayblanib, shartli jarimaga tortilgan va apellyatsiyada hukm o‘z kuchida qolgan.

Shveytsariya OAV xabariga ko‘ra, Embolo ishni Federal sudga bermaslikka qaror qilgan va hukm kuchga kirgan. Federatsiya hozirda tegishli organlar bilan aloqada va Embolo bugun yoki ertaga jamoaga qo‘shilishi kutilmoqda.

Source: www.aljazeera.com