Filippinning markaziy qismidagi o‘rta maktabda ikki o‘quvchi tomonidan uyushtirilgan otishma oqibatida kamida uch nafar o‘quvchi halok bo‘ldi, yana yetti nafari yaralandi.

Voqea Tacloban shahridagi San Jose National High Schoolda mahalliy vaqt bilan soat 9:00 atrofida sodir bo‘ldi. Politsiya ikki gumonlanuvchini hibsga oldi, ulardan biri 9-sinf o‘quvchisi bo‘lgan voyaga yetmagan shaxs, ikkinchisi esa keyinroq taslim bo‘ldi.

Tacloban politsiya boshlig‘i Noelito Getiganning ma’lum qilishicha, gumonlanuvchilar .38 kalibrli va 9 mm to‘pponchalardan foydalangan. Hozirda voqea sabablari bo‘yicha tergov olib borilmoqda.

Yaradorlar yaqin atrofdagi tibbiy muassasalarga yetkazilgan, maktabda qo‘shimcha xavfsizlik choralari ko‘rilgan. Filippin prezidenti Ferdinand Markos Jr. voqeani tergov qilishni buyurdi va barcha muassasalarda, ayniqsa maktablarda xavfsizlikni ta’minlashni topshirdi.

Ta’lim departamenti voqeani “yuqori darajadagi xavotirli holat” deb atadi va zo‘ravonlikni qoralab, qurbonlar oilalariga hamdardlik bildirdi. Filippinda maktab otishmalari kamdan-kam uchraydi; 2022 yil iyulida Quezon Citydagi Ateneo de Manila universitetida sodir bo‘lgan otishmada uch kishi halok bo‘lgandi.

Source: www.aljazeera.com