Hindiston Bosh vaziri Narendra Modining Seyshel orollariga 27-29 iyun kunlari tashrifi chog'ida unga maxsus yaratilgan "Moviy ufq qo'riqchisi" (Guardian of the Blue Horizon) mukofoti topshirildi. Mukofot ilgari mavjud bo'lmagan va aynan Modi uchun tayyorlangan.

Mukofot bilan birga berilgan sertifikatda qo'pol imlo xatolari bor edi: mamlakat nomi "Repubblic of Seycheeles" deb yozilgan. Seyshel orollari Tashqi ishlar vazirligi bu xatolarni "ishchi nusxa" bilan bog'lab, mukofot haqiqiy ekanligini ta'kidladi.

Vestminster universiteti professori Nitasha Kaulning fikricha, bu xatolar "shoshilinch ish" natijasida yuzaga kelgan va "masxaraga" sabab bo'lgan. Uning so'zlariga ko'ra, bu mukofotlar Hindiston diplomatiyasi emas, balki Modining shaxsiy imidji uchun xizmat qiladi.

Modi 12 yillik hokimiyati davomida xorijiy tashriflarda 30 dan ortiq mukofot olgan. Jumladan, Indoneziyada Bintang Adipurna, Slovakiyada Oq ikki xoch ordeni, Isroilda Knesset spikeri medali va Birlashgan Millatlar Tashkilotining "Yer qahramoni" mukofoti.

Ekspertlarning ta'kidlashicha, bu mukofotlar Hindistonning xalqaro obro'sini oshirishdan ko'ra, Modining shaxsiy siyosiy imidjini mustahkamlashga xizmat qiladi. Grifffit universiteti professori Ian Xollning fikricha, ularning diplomatik yoki iqtisodiy foydasi shubhali.

Source: www.aljazeera.com