Ukraina poytaxti Kiyevda payshanba kuni erta tongda portlashlar eshitildi. Shahar meri Vitaliy Klitschko xalqni boshpana izlashga chaqirib, Rossiya Kiyevga ballistik raketalar bilan zarba berganini ma'lum qildi.

Bu hujum Ukraina prezidenti Volodimir Zelenskiyning Rossiya “katta hujum” tayyorlagani haqidagi ogohlantirishidan so‘ng yuz berdi. Zelenskiy X (sobiq Twitter) ijtimoiy tarmog‘ida Havo kuchlari qo‘mondoni Anatoliy Krivonojkoning ma’ruzasini olganini va “ruslar bir necha kun oldin katta hujum tayyorlaganini” aytgan edi.

Reuters va AFP agentliklari Kiyevdagi manbalarga tayanib, portlashlar eshitilganini xabar qildi. Hujum qurbonlari va yetkazilgan zarar haqida hozircha ma’lumot yo‘q.

Zelenskiy avvalroq “hujum bugun kechasi amalga oshirilishi ehtimoli yuqori” deb ogohlantirgan edi. Voqealar rivoji kuzatilmoqda.

Source: www.dw.com