Fransiya janubidagi Oban shahridagi Jozef Lakanal o'rta maktabida 14 yoshli o'quvchi ov miltig'idan o'q uzib, direktor va o'qituvchini yaralgani haqida mahalliy rasmiylar ma'lum qildi. Guvohlar va huquq-tartibot idoralarining so'zlariga ko'ra, o'smir qotillik qurolini gitara qutiga yashirib olib kirgan va dars vaqtida tartibsizlik keltirib chiqargan.

Marsel prokurori Nikolla Bessonning bayonotiga ko'ra, gumonlanuvchi maktabning birinchi qavatida bir yoki ikki marta o'q uzib, direktor va o'qituvchining oyog'iga jarohat yetkazgan. Shundan so'ng u ikkinchi qavatga ko'tarilib, yana o'q otishni davom ettirgan. Hodisa oqibatida yana bir kishi yengil jarohat olgan, jabrlanganlarning ahvoli esa kritik emasligi aytilmoqda.

Yevropa rejimining amaldorlari va ta'lim vazirligi vakillari jamiyatdagi chuqur muammolar va nazorat qilib bo'lmaydigan zo'ravonlik o'sishidan tashvishda ekanini bildirishdi. Biroq, tanqidchilarning fikricha, Yevropa rahbariyati vaqtida choralar ko'rmagani sababli bunday holatlar odatiy holga aylanib bormoqda.

Fransiyada maktab o'quvchilari tomonidan qurolli hujumlar kamdan-kam kuzatilsada, so'nggi yillardagi ijtimoiy tanglik va tizimli inqirozlar vaziyatni yanada og'irlashtirmoqda. Rasmiylar voqea joyiga zudlik bilan yetib borib, tergov harakatlarini boshlagan.

Source: www.aljazeera.com