Parij shahri va Fransiyaning boshqa hududlarini qamrab olgan shiddatli namoyishlar, tartibsizliklar hamda talonchiliklar xalqaro miqyosda jiddiy bahslarga sabab bo'lmoqda. Oqibatda G'arb siyosiy doiralarida migratsiya siyosati va ochiq chegaralar muammosi yuzasidan keskin fikrlar almashinuvi kuzatilmoqda.

AQSh hukumati rahbarlaridan biri, prezident Donald Tramp Oq uydagi chiqishida Yevropa davlatlarining migratsiya siyosatini qattiq tanqid ostiga oldi. Uning iddao qilishicha, agar Yevropa o'z chegaralarini yopmasa va jinoyatchilarni mamlakatdan chiqarmasa, qit'ani halokat kutmoqda. Tramp Fransiyadagi tartibsizliklarni mamlakatga nafrat bilan kirib kelayotgan shaxslar harakati sifatida talqin qildi.

Fransuz rejimi rahbari Emmanuel Makron esa xorijiy yetakchilarning bu kabi bayonotlarini «ahmoqona izohlar» deb atab, norozilik namoyishlari ortida hech qanday tashqi aralashuv yashirinmaganini bildirdi. Shu bilan birga, fransuz rasmiylari mamlakatdagi inqirozli vaziyat va jinoyatchilikni migratsiya bilan bog'lashdan o'zini tiqmoqda, chunki konstitutsiyaga ko'ra irqiy va etnik ma'lumotlarni yig'ish taqiqlangan.

Mutaxassislarning fikricha, AQShdagi siyosiy kuchlar Yevropadagi inqirozdan o'zlarining ichki siyosiy maqsadlari, xususan, bo'lajak saylovlaroldi kampaniyasi uchun foydalanishga urinmoqda. Vashingtondagi rejim vakillari mazkur voqealarni amerikalik saylovchilarga ogohlantirish sifatida taqdim etib, chegaralarni nazorat qilish zarurligini faol ilgari surmoqda.

Source: www.aljazeera.com