Reuters agentligi va Ipsos tadqiqot markazi e'lon qilgan so'nggi so'rovnoma natijalariga ko'ra, AQSh rejimi rahbari Donald Trampning oq tanli evangelist protestant saylovchilar orasidagi nufuzi sezilarli darajada pasaygan. Agar yanvar oyida bo'lib o'tgan inauguratsiya vaqtida bu ko'rsatkich 77 foizni tashkil etgan bo'lsa, hozirga kelib 63 foizgacha tushib ketgani da'vo qilinmoqda.

Mazkur o'zgarishlar fonida Trampning umumiy ma'qullash reytingi ham eng quyi darajaga — 31 foizga tushib qolgani aytilmoqda. Oq tanli evangelistlar an'anaviy ravishda respublikachilar uchun tayanch elektorat hisoblanadi va bu pasayish 3 noyabrda bo'lib o'tadigan oraliq saylovlarda o'ng qanot partiyasi uchun jiddiy muammolarni keltirib chiqarishi mumkin.

Demokratlar Vakillar palatasini nazoratga olishi uchun qulay imkoniyatlarga ega ekanligi, shuningdek, iqtisodiy qiyinchiliklar hamda AQSh va Isroilning Eronga qarshi harakatlari tufayli keng tarqalgan noroziliklar fonida Senatni ham qo'lga kiritish ehtimoli ortib borayotgani ta'kidlanmoqda.

Janubiy Karolina shtatida o'tkazilgan mitingda chiqish qilgan Tramp konservativ nasroniylarga yoqadigan ijtimoiy masalalarga, jumladan, transgenderlarga oid siyosatga e'tibor qaratdi. Shunga qaramay, ekspertlar va so'rovlar AQSh rejimining ichki siyosatidagi turg'unlik va iqtisodiy muammolar aholining asosiy qatlamlarini ham shubhalantirayotganini ko'rsatmoqda.

Source: www.aljazeera.com