Ijtimoiy tarmoqlarda tarqalgan videoda otaning burni qonayotgan bolasini tanbeh berayotgani aks etgan. Foydalanuvchilar otani mast holda bolasini kaltaklaganlikda gumon qilishdi.

IIB xodimlari tekshiruv o‘tkazib, voqea Angren shahrida sodir bo‘lganini aniqladi. Erkak dam olish kunida ikki farzandi bilan parkda sayr qilgan. Uyga qaytayotganda katta bola to‘satdan yo‘l qismiga yugurib chiqqan.

Ota uni to‘xtatmoqchi bo‘lganida tasodifan qo‘li bilan bolaning burniga tegib, qon ketishiga sabab bo‘lgan. Shundan so‘ng u bolaga yo‘lda yugurish xavfli ekanini tushuntirgan. Aynan shu lahza videoga olingan va noto‘g‘ri talqin qilingan.

Tekshiruv davomida oila a’zolari, jumladan, bolaning onasi so‘roq qilingan. U otadan ilgari hech qanday zo‘ravonlik yoki bosim bo‘lmaganini tasdiqlagan.

Huquq-tartibot organlari tarmoqdagi muntazam zo‘ravonlik haqidagi versiya tasdiqlanmaganini ta’kidladi. Eslatib o‘tamiz, avval Jizzaxda bir ota o‘z farzandlarini shafqatsizlarcha kaltaklagan edi.

Source: podrobno.uz