Toshkentning Bektemir tumanidagi Kuylyuk bozori hududida yong‘in yuz berdi. Yong‘in umumiy ovqatlanish shoxobchalaridan birining oshxonasida kelib chiqqan.

Yong‘in haqidagi xabar FVVga 17 iyun kuni soat 10:18 da kelib tushgan. Ma’lumotga ko‘ra, qutqaruvchilar voqea joyiga to‘qqiz daqiqada yetib kelgan va yong‘inni soat 10:36 da to‘liq bartaraf etgan. Yong‘in oshxona tomiga zarar yetkazgan.

Ijtimoiy tarmoqlarda voqea joyidan olingan suratlar tarqaldi. Ularda binolar ustida qalin qora tutun ustuni ko‘tarilayotgani, bu shaharning turli qismlaridan ko‘ringani aks etgan.

Avvalroq Farg‘ona viloyatida tashlandiq binoda yong‘in sodir bo‘lib, olov uchta avtomobilga o‘tgani haqida xabar berilgan edi. Qutqaruvchilar yong‘inni tezda bartaraf etgan, biroq ikki kishi halok bo‘lib, yana uch kishi jarohat olib, shifoxonaga yotqizilgan.

Source: podrobno.uz