O‘zbekistonda Xalqaro giyohvandlikka qarshi kurash kuni munosabati bilan Davlat xavfsizlik xizmati (DXX) va boshqa huquq-tartibot organlari xodimlari 2,3 tonnadan ortiq musodara qilingan narkotik moddalarni yoqib yubordi.

DXX matbuot xizmati ma’lumotlariga ko‘ra, yoqib yuborilgan moddalar orasida 78,4 kilogramm geroin, 426,4 kilogramm afyun va 646,6 kilogramm gashish bor. Shuningdek, 131,4 kilogramm Alpha-PVP va 62 kilogrammga yaqin mefedron kabi sintetik narkotiklar ham yo‘q qilindi.

Bundan tashqari, 69,2 kilogramm pregabalin va boshqa taqiqlangan moddalar ham yoqib yuborildi. Ushbu narkotiklarning umumiy qiymati yuzlab million so‘mni tashkil etadi.

Eslatib o‘tamiz, so‘nggi besh yil ichida O‘zbekistonda narkotik jinoyatlari soni qariyb 2,5 baravarga, musodara qilingan sintetik moddalar hajmi esa 7 baravarga oshgan.

Source: podrobno.uz