O'zbekistonda yer uchastkalarini sotishning yangi mexanizmi joriy etildi. Endi hokimiyatlar yer maydonlarini oldindan tayyorlangan texnik shartlar va qurilish uchun zarur ruxsatnomalar bilan birga savdoga qo'yishi mumkin bo'ladi. Bu haqda Prezidentning 177-sonli farmoni bilan belgilangan.

Mazkur farmon xususiylashtirishni tezlashtirishga qaratilgan. "Paket"ni tayyorlash xarajatlari mahalliy byudjetdan qoplanadi, so'ngra lotning boshlang'ich narxiga kiritiladi. Yangi mexanizm birinchi navbatda bosh rejalar ishlab chiqilgan hududlarda qo'llaniladi.

Agar uchastkani narx tushirilgandan keyin ham sotish imkoni bo'lmasa, u biznesga loyihani amalga oshirish uchun kompaniya ustav kapitalidagi ulush evaziga berilishi mumkin. Keyinchalik tadbirkor bu ulushni qaytarib sotib olishi mumkin.

Bundan tashqari, davlat mulkining kamida 50 foizini to'lagan investorlarga sotib olingan obyektlarni rekonstruksiya qilish yoki yangi qurilish uchun buzishga ruxsat beriladi. Toshkent sanoat zonalari ishtirokchilari investitsiya va ijtimoiy majburiyatlarni bajarganlaridan so'ng binolar va yerlarni sotib olishlari mumkin bo'ladi.

Avvalroq O'zbekistonda yer uchastkalari qurilishga ruxsatnomalar bilan birga auktsionlarga qo'yilishi rejalashtirilayotgani xabar qilingan edi. O'shanda tadbirkorlar yer sotib olgandan so'ng darhol qurishni boshlashlari va ruxsatnoma olish uchun 6 oydan 12 oygacha vaqt sarflamasliklari ta'kidlangan edi.

Source: podrobno.uz