O‘zbekiston, Toshkent – AN Podrobno.uz. Bugun, 28 fevral, Bolgariyada bo‘lib o‘tayotgan "Strandja" xalqaro turnirida yarim final janglari o‘tkaziladi. Musobaqaning ushbu bosqichiga O‘zbekiston terma jamoasining 16 nafar vakili yo‘l oldi.

Milliy Olimpiya qo‘mitasi matbuot xizmati yarim finalda ringga chiqadigan o‘zbek bokschilari va ularning raqiblari ismlarini e'lon qildi:

Ayollar yarim final juftliklari:

• 48 kg gacha: Sabina Boboqulova – Farzona Fozilova
• 51 kg gacha: Feruza Qozogova – Kaytlin Frers (Irlandiya)
• 57 kg gacha: Nigina Uqtamova – Nyam Fay (Irlandiya)
• 65 kg gacha: Navbahor Hamidova – Sacha Hikkey (Angliya)
• 75 kg gacha: Aziza Zokirova – Naomi Graxam (AQSh)
• 80 kg gacha: Ruxshona Parpiyeva – Yaren Duztas (Turkiya)
• 80 kg dan yuqori: Oltinoy Sotimboeva – Dina Islambekova (Qozog‘iston)

Erkaklar yarim final juftliklari:

• 50 kg gacha: Asilbek Jalilov – Daniyal Sobit (Qozog‘iston)
• 70 kg gacha: Shavkatjon Boltayev – Farux To‘xtassunov (Qozog‘iston)
• 75 kg gacha: Fazliddin Erkinboyev – Gabriele Guidi (Italiya)
• 80 kg gacha: Javohir Ummataliyev – Jamal Kuliyev (Ukraina)
• 85 kg gacha: Akmaljon Isroilov – Danilo Jasan (Ukraina)
• 85 kg gacha: Norbek Abdullayev – Matviy Rajba (Ukraina)
• 90 kg gacha: Samir Sobirov – Bogdan Tolmachov (Ukraina)
• 90 kg gacha: Turabek Habibullayev – Josep Avinonya (AQSh)
• 90 kg dan yuqori: Ozodbek Aliyev – Yordan Morejon (Bolgariya)

Eslatib o‘tamiz, o‘tgan yilgi "Strandja" turnirida o‘zbek bokschilari 8 ta medal qo‘lga kiritgan edi.

Source: podrobno.uz