O‘zbekistonda davlat organlari faoliyatidagi korrupsiya xavflarini baholash tizimini yanada takomillashtirishga qaratilgan yangi tartib belgilandi. Ushbu mexanizm doirasida ichki va tashqi axborot manbalarini tahlil qilish, shuningdek, shubhali omillarning 9 turi aniq belgilab qo‘yildi. Bu chora-tadbirlar davlat idoralaridagi mavjud bo‘shliqlarni o‘z vaqtida aniqlashga xizmat qilishi kutilmoqda.

Baholash jarayoni to‘rtta majburiy mezon asosida amalga oshiriladi. Bular qatoriga korrupsiya huquqbuzarliklari statistikasi, murojaatlar va OAVdagi materiallarning xarakteri, jarayonlarni raqamlashtirish darajasi hamda inson omilining ta'siri, shuningdek, huquqiy tartibga solish chuqurligi kiradi. Aniqlangan xavf belgilar esa oddiy, sezilarli va og‘ir toifalarga bo‘linib, ularning har biri qat'iy statistik ma'lumotlar va ichki audit natijalari bilan asoslanishi shart.

Yakuniy korrupsiya xavfi darajasi uch bosqichda baholanadi. Xususan, faqat oddiy belgilar mavjud bo‘lganda past, og‘ir belgilar bo‘lmagan holda bitta sezilarli belgi aniqlansa o‘rta, kamida bitta og‘ir omil yoki ikkita va undan ortiq sezilarli belgilar topilsa yuqori xavf darajasi belgilanadi. Korrupsiyaga qarshi kurashish agentligi aniqlangan tahdidlarni bartaraf etish bo‘yicha dasturlarning ijrosini yilda kamida ikki marta nazorat qilib boradi.

Source: podrobno.uz