O'zbekistonda mamlakat miqyosida biznesni navbatdagi keng ko'lamli ro'yxatga olish jarayoni boshlangani e'lon qilindi. Ushbu tashabbus kompaniyalar, yakka tartibdagi tadbirkorlar, o'zini o'zi band qilgan fuqarolar, xorijiy vakolatxonalar va hatto hech qanday rasmiy ro'yxatdan o'tmasdan faoliyat yuritayotgan subyektlarni ham to'liq qamrab olishi ko'zda tutilgan. Rasmiy idoralarning fikricha, bu tadbir mamlakatdagi haqiqiy tadbirkorlik muhitining aniqroq suratini olishga yordam berishi kerak.

Tashkiliy tartib-qoidalar Vazirlar Mahkamasining maxsus qarori bilan tasdiqlangan bo'lib, iqtisodiy subyektlarning faoliyati bo'yicha ma'lumotlarni qayd etish sanasi etib 2026-yilning 1-oktabri belgilangan. Jarayon mulkchilik shakli, ro'yxatdan o'tgan yoki o'tmaganidan qat'i nazar barcha iqtisodiy birliklarga taalluqli bo'ladi. Bunda biznesning yuridik manzili emas, balki uning amalda faoliyat yuritayotgan joyi asosiy mezon sifatida qabul qilinishi aytilmoqda.

Tadbirkorlar va xorijiy vakolatxonalar o'z ma'lumotlarini shaxsan hokim yordamchisi orqali yoki hisobot.stat.uz rasmiy sayti vositasida mustaqil ravishda taqdim etishlari mumkin bo'ladi. O'zini o'zi band qilgan shaxslar uchun census.stat.uz platformasi ajratilgan. Shu bilan birga, rasmiy ro'yxatsiz ishlayotganlar va yakka tartibdagi tadbirkorlar statistika xodimlari hamda hokim yordamchilari tomonidan so'rovdan o'tkzilishi rejalashtirilgan.

Mutasaddilarning ta'kidlashicha, ushbu keng ko'lamli tadbir iqtisodiyotdagi yuqori ulushga ega bo'lgan soya qismi bilan bog'liq jiddiy muammolar fonida dolzarb ahamiyat kasb etmoqda. Hozirgi kunda mamlakatda yashirin iqtisodiyot ulushi 23 foizni tashkil etib, bu taxminan 246 trillion so'mni tashkil qiladi. Mutaxassislar ayniqsa qishloq xo'jaligi sohasida yashirin aylanma ko'rsatkichi 60 foizga yetishini qayd etib, bu kabi vaziyat iqtisodiy rivojlanishga jiddiy to'sqinlik qilayotganini ta'kidlashmoqda.

Source: podrobno.uz