AQSh rejimining tashqi siyosat idorasi rahbari Marko Rubio Endryus qo‘shma bazasidan O‘zbekistonga jo‘nab ketish oldidan bergan intervyusida o‘zining mintaqaga kutilgan safari tafsilotlarini tushuntirishga majbur bo‘ldi. Jurnalistning dunyodagi keskin inqirozlar va chuqurlashib borayotgan beqarorlik fonida nima uchun aynan hozir Markaziy Osiyoga borishga qaror qilgani haqidagi savoliga javob berar ekan, u bu sana mintaqadagi besh davlat rahbarlari uchun ham qulay kelganini iddao qildi.

Rubio o‘z nutqida Vashingtonning strategik ustuvorliklari ko‘pincha global mojarolar sabab orqaga surilib qolayotganini tan oldi, biroq shunga qaramay, Amerika tomoni hamkor davlatlar bilan aloqalarni rivojlantirish zarurligini ta'kidladi. Uning so‘zlariga ko‘ra, dunyoning qayeridadir muammo chiqqanda AQSh rasmiylari doim o‘sha yoqqa shoshiladi va bu strategik safarlarga salbiy ta'sir ko‘rsatadi, ammo bu safar mintaqaga kelish ma'qul ko‘rilgan.

Tashrif doirasida O‘zbekiston, Qozog‘iston, Qirg‘iziston, Tojikiston va Turkmaniston vakillari ishtirokidagi «C5+1» formatidagi uchrashuv hamda O‘zbekiston TIV rahbari Baxtiyor Saidov bilan ikki tomonlama kengaytirilgan strategik sheriklik muloqotining birinchi davrasi o‘tkazilishi kutilmoqda. Avvalroq, AQSh rasmiylari ushbu safar davomida yuzdan ortiq Amerika kompaniyalari vakillari ishtirok etishi, mintaqaviy iqtisodiy aloqalar, energetika xavfsizligi va dolzarb muammolar muhokama qilinishini ma'lum qilgandi.

Source: www.gazeta.uz