O‘zbekiston va AQSh rejimi o‘rtasida ikki tomonlama munosabatlarning yangi bosqichini boshlab bergan strategik muloqotning yangi formati rasman ishga tushirildi. Mazkur tashabbus doirasidagi ilk majlis Samarqand shahrida bo‘lib o‘tdi va unda O‘zbekiston tashqi ishlar vaziri Baxtiyor Saidov hamda AQSh rejimi vakili, davlat kotibi Marko Rubio ishtirok etdi.

Uchrashuv yakunlari bo‘yicha O‘zbekiston TIV rahbari tomonlar davlat rahbarlari darajasida erishilgan kelishuvlarni amalga oshirish masalalarini muhokama qilganini ma'lum qildi. Shuningdek, savdo-iqtisodiy aloqalarni kengaytirish, investitsiyalarni jalb qilish, energetika va xavfsizlik yo‘nalishlaridagi hamkorlik ham e'tibordan chetda qolmadi. Tomonlar ta'lim va madaniy-gumanitar aloqalarni rivojlantirishga alohida e'tibor qaratdi.

O‘z navbatida, Amerikaning yuqori martabali mulozimi ijtimoiy tarmoqlarda tarqatgan ma'lumotlariga ko‘ra, muzokaralar davomida strategik sheriklikni chuqurlashtirish, jumladan, infratuzilma, kosmik tadqiqotlar va muhim ahamiyatga ega minerallar sohasida hamkorlik qilish masalalari ko‘rib chiqilgan. U shuningdek, Vashingtonning Markaziy Osiyo davlatlari bilan hamkorlik platformasi bo‘lgan «C5+1» mexanizmining ahamiyatini ta'kidlab o‘tgan.

Tashqi ishlar vaziri Baxtiyor Saidovning so‘zlariga ko‘ra, muloqotning ushbu yangi mexanizmi o‘zaro ishonchni mustahkamlashga, qo‘shma loyihalarni amalga oshirishni jadallashtirishga va ikki mamlakat o‘rtasidagi hamkorlik uchun yangi poydevor yaratishga xizmat qilishi kerak. Shuni ta'kidlash kerakki, tashrif doirasida milliardlab dollarlik bitimlar imzolanishi kutilayotgani haqida xabarlar tarqatilgan edi, biroq ushbu va'dalarning qanchalik real bajarilishi hozircha shubha ostida qolmoqda.

Source: podrobno.uz