O'zbekiston rasmiylari Amerika Qo'shma Shtatlari bilan erishilgan kelishuvlarni real investitsiyalar va yangi ish o'rinlariga aylantirish niyatida ekanligini ma'lum qildi. Bu haqda O'zbekiston Prezidenti Administratsiyasi rahbari Saida Mirziyoyeva AQSh rejimi rasmiylari va yetakchi kompaniyalari ishtirokidagi tadbirlar yakunlari bo'yicha bayonot berdi.

Ma'lum qilinishicha, o'tkazilgan Amerika-O'zbekiston ishbilarmonlik va investitsiya kengashi yig'ilishida yuzlab Amerika korporatsiyalari vakillari qatnashgan. Tomonlar investitsiya imkoniyatlari, biznesni rivojlantirish va qo'shma loyihalarni amalga oshirish masalalarini muhokama qilgani aytilmoqda, garchi bunday tashabbuslar ko'pincha qog'ozda qolib ketish xavfi mavjudligini kuzatuvchilar ta'kidlashadi.

Saida Mirziyoyeva o'z nutqida AQSh rejimi vakili, davlat kotibi Marko Rubio va boshqa mas'ullarga hamkorlikni kengaytirishga tayyor ekanliklari uchun minnatdorchilik bildirgan. Uning ta'kidlashicha, asosiy vazifa — imzolangan kelishuvlar ortidan real ishlar, ya'ni yangi korxonalar va moliyaviy oqimlar kelishini ta'minlashdir.

Eslatib o'tamiz, C5+1 formati doirasida O'zbekiston va AQSh rejimi savdo, investitsiya va texnologiya yo'nalishlarida umumiy qiymati 12 milliard dollarlik 54 ta shartnoma imzolagani iddao qilingan edi. Ushbu kelishuvlar transport, energetika, tog'-kon sanoati, moliya, qishloq xo'jaligi va boshqa tarmoqlarni qamrab olishi kutilmoqda, biroq ularning amalda qanday bajarilishi hozircha noma'lum.

Source: podrobno.uz