Latviya prezidenti Edgars Rinkevics muxolifatdagi deputat Andris Kulbergsni bosh vazir lavozimiga tavsiya qildi. Bu qaror sobiq bosh vazir Evika Silinaning isteʼfosidan so‘ng qabul qilindi.

Silina o‘tgan hafta mudofaa vaziri Andris Sprudsni ishdan bo‘shatgan edi. Sabab – ikki Ukraina dronining Rossiyadan Latviya hududiga kirib, neft omborida portlashi bo‘lgan. Voqea NATOning Boltiqbo‘yi davlatlarida tez-tez takrorlanayotgani qayd etilgan.

Silina isteʼfoga chiqishiga qaramay, kurashni davom ettirishini aytdi. U 2023-yildan beri bosh vazir edi. Uning so‘zlariga ko‘ra, dron hodisalari mudofaa sektori rahbariyati xavfsiz osmonni taʼminlay olmaganini ko‘rsatdi.

Prezident Rinkevics parlamentdagi barcha partiyalar vakillari bilan uchrashgandan so‘ng Kulbergsni tanladi. Agar parlament maʼqullasa, Kulbergs 3-oktabrda bo‘ladigan parlament saylovlarigacha mamlakatni boshqaradi.

Kulbergs “kengaytirilgan koalitsiya” tuzishga umid qilayotganini bildirdi. Unga hukumatni shakllantirish uchun 10 kun berilgan.

Eslatib o‘tamiz, 7-may kuni ikki Ukraina dronidan biri Latviyaning sharqidagi benzin omboriga qulab, yong‘in keltirib chiqargan edi. Ukraina prezidenti Vladimir Zelenskiy Latviyaga havo hujumidan mudofaa tizimini kuchaytirish uchun mutaxassislar yuborishini maʼlum qildi.

Source: www.aljazeera.com