️ Xitoyning shimolidagi ko‘mir konida sodir bo‘lgan gaz portlashi oqibatida kamida 8 kishi halok bo‘ldi va o‘nlab konchilar yer ostida qolib ketdi. Prezident Si Szinpin qutqaruv ishlarini kuchaytirishni buyurdi.

️ Portlash Shanxi provinsiyasining Qinyuan tumanidagi Liushenyu ko‘mir konida juma kuni soat 19:29 da yuz berdi. Portlash vaqtida yer ostida 247 nafar ishchi bo‘lgan, deb xabar beradi davlat axborot agentligi Sinxua.

️ Sinxua ma’lumotlariga ko‘ra, shanba kuni ertalabgacha 201 kishi yer yuzasiga chiqarilgan, ulardan 8 nafari halok bo‘lgan. Qutqaruv ishlari davom etmoqda. Kon ichida uglerod oksidi miqdori me’yordan oshib ketgani qayd etilgan.

️ Prezident Si Szinpin jabrlanganlarni davolash va qidiruv-qutqaruv ishlari uchun “barcha kuchni safarbar etish”ni talab qildi. Shuningdek, u voqea sabablarini chuqur tekshirish va qonuniy javobgarlikka tortishni buyurdi.

️ Si “barcha hudud va idoralar ushbu hodisadan saboq olishi, ish joyidagi xavfsizlikka doimiy hushyor bo‘lishi va yirik favqulodda hodisalarning oldini olishi” kerakligini ta’kidladi.

️ So‘nggi o‘n yilliklarda Xitoyda kon xavfsizligi yaxshilangan bo‘lsa-da, xavfsizlik qoidalari ko‘pincha sust qo‘llaniladigan ushbu sohada baxtsiz hodisalar tez-tez sodir bo‘ladi.

Source: www.dw.com