Yangi Zelandiyadagi World Surf League musobaqasida fotografni suvda tishlagan jonzot avval akula deb o‘ylangan, ammo keyin dengiz sheri ekani aniqlangan. Voqea Raglandagi New Zealand Pro musobaqasining erkaklar yarim finalida yuz berdi.

Tashkilotchilar darhol “qizil kod” protokolini faollashtirib, barcha sörferlarni suvdan chiqarishdi. Bu protokol 2015-yilda avstraliyalik sörfer Mik Fanningga akula hujumidan keyin joriy qilingan edi va birinchi marta qo‘llanildi.

Fotograf Ed Sloan oyog‘idagi tishlash jarohatlari bilan kasalxonaga yotqizilgan, ahvoli barqaror. U tez yordam va tibbiy guruhga minnatdorchilik bildirdi.

Vahima so‘ngach, musobaqa davom etdi: erkaklar o‘rtasida braziliyalik Italo Ferreyra, ayollarda esa gavayilik Karissa Mur g‘olib bo‘ldi.

Source: www.dw.com