Eron davlat OAVlari 1-mart, yakshanba kuni 86 yoshli Oliy rahbar Ali Xomeneyning vafotini rasman tasdiqladi. Bu voqea AQSh va Isroilning 28-fevral, shanba kuni amalga oshirgan havo hujumi natijasida sodir bo‘ldi.

Hujum asosan Xomeneyning Tehron atrofidagi qarorgohiga qaratilgan edi. AQSh prezidenti Donald Tramp birinchi bo‘lib rahbarning yo‘q qilinishini e‘lon qildi, ammo Eron bir necha soat davomida bu ma‘lumotni rad etdi. Xomeneyning bosh yordamchisi Ali Larijoni X platformasida qasos olinishini va‘da qilib, AQSh va Isroil harakatlarini jinoyat deb atadi.

Eron favqulodda vaziyatlar uchun tayyorlangan rejalarga muvofiq, Larijoni inqirozni boshqarishga tayinlandi. Mintaqada keskinlik saqlanmoqda, qurolli kuchlar yuqori jangovar tayyorgarlikka o‘tkazildi.

Isroil mudofaa vaziri Isroil Kats 28-fevralda Eron harbiy ob‘yektlariga hujumni profilaktika chorasi deb e‘lon qildi. AQSh prezidenti Tramp keyinroq Eronning "bevosita tahdidi" va yadro quroli olishining oldini olish maqsadida Isroil bilan birgalikda keng ko‘lamli harbiy operatsiya boshlanganini tasdiqladi. O‘zbekiston Tashqi ishlar vazirligi vaziyatdan jiddiy tashvish bildirdi.

Source: podrobno.uz