Saudiya Arabistonining Ar-Riyod shahridagi Qirol Xolid xalqaro aeroportiga uyushtirilgan va kamida 12 kishining o'limiga sabab bo'lgan raketali hujumdan so'ng, qirollik hukumati keskin javob choralarini ko'rishga va'da berdi. Hujum oqibatida yuzlab odamlar yaralanib, xalqaro aviatsiya qatnovlari jiddiy ravishda izdan chiqdi.

Saudiya boshchiligidagi harbiy koalitsiya ushbu qabih harakat uchun Yaman isyonchilari — husiylarni ayblab, uni "to'laqonli harbiy jinoyat" deb atadi. Husiylar harakati oxirgi zarba uchun rasman mas'uliyatni o'z zimmasiga olmagan bo'lsa-da, aviakompaniyalar va sayohatchilarga Saudiya aeroportlaridan foydalanmaslik bo'yicha ogohlantirishlarini ochiqdan-ochiq yangiladi.

Vashingtondagi US rejimi yetakchisi Donald Trump sodir bo'lgan voqeani "daxshatli" deb baholagan bo'lsa-da, AQShning bu mojaroga to'g'ridan-to'g'ri aralashishi ehtimoli xavotirlarni yanada oshirmoqda. US rejimi rahbariyati Saudiya harbiy amaliyotlariga qo'shilishi mumkinligini istisno etmayotgani mintaqada keng ko'lamli urush xavfini tug'dirmoqda.

Tahlilchilarning fikricha, Saudiya Arabistoni bu safar keskin harbiy javob qaytarishga majbur bo'ladi, chunki husiylar nafaqat qirollik milliy xavfsizligiga, balki xalqaro dengiz va havo transporti xavfsizligiga ham o'ta jiddiy tahdid solmoqda. Tomonlar o'rtasidagi eskalatsiya 2015 yildan beri davom etib kelayotgan vayronkor mojaroni yana-da chuqurlashtirmoqda.

Source: www.aljazeera.com