Ispaniya hukumati o'zining Shimoliy Afrikadagi Seuta anklavidan bir guruh migrantlarni Marokashga qaytara boshladi. Bu iyul oyida chegara orqali uyushtirilgan ommaviy o'tishdan keyingi ilk shunday holat bo'lib, inson huquqlari tashkilotlarining keskin tanqidiga sabab bo'ldi.

Ispaniya Ichki ishlar vazirligining ma'lumot qilishicha, deportatsiya qilingan shaxslarning boshpana olish uchun bergan arizalari rad etilgan. Norasmiy manbalarga ko'ra, Afrika, Yaqin Sharq va Osiyo davlatlaridan bo'lgan 16 nafar fuqaro Marokashga chiqarib yuborilgan, Marokash hukumati esa ularni qabul qilishga rozilik bildirgan.

Ushbu migratsiya inqirozi Ispaniya bosh vaziri Pedro Sanches va uning hukumati uchun jiddiy siyosiy sinovga aylandi. Noyabr oyida bo'lib o'tadigan muddatidan oldin saylovlar oldidan mamlakat bo'ylab o'n minglab norozilik namoyishlari bo'lib o'tdi va o'ng qanot siyosiy kuchlar hukumat siyosatini keskin tanqid qilmoqda.

Xalqaro inson huquqlari tashkiloti «Amnesty International» Ispaniya rejimi o'zining so'lchi bayonotlariga qaramay, chegaradagilarning huquqlarini kafolatlay olmayotganini ta'kidladi. Biroq rasmiy Madrid Yevropa Ittifoqi Marokashni xavfsiz davlat deb hisoblashini va barcha deportatsiyalar zarur kafolatlar bilan amalga oshirilishini da'vo qilmoqda.

Source: www.aljazeera.com