Toshkent viloyatining Angren shahrida 13 yoshli Olga Romas ismli qiz 18 may kuni uydan chiqib ketgan va hozirgacha topilmagan. UzAlert qidiruv-qutqaruv otryadi ma’lumotlariga ko‘ra, qiz soat 12:00 atrofida “Karvon” mahallasining 31-kvartalidagi uyidan chiqib ketgan.

Qidiruv ishlariga ko‘ngillilar va huquq-tartibot organlari zudlik bilan jalb etilgan, ammo hozirgacha hech qanday natija yo‘q. Qizning bo‘yi taxminan 160 sm, ko‘zlari moviy, sochlari mahagon rangida (qizg‘ish-jigarrang).

Alohida belgi sifatida bo‘yinning chap tomonida tug‘ilgan xol bor. Yo‘qolgan kuni u qora qalpoqli kurtka, qora triko va oq-ko‘k krossovkalar kiygan.

Agar kimdir qizni 18 maydan keyin ko‘rgan bo‘lsa yoki uning joylashuvi haqida ma’lumotga ega bo‘lsa, quyidagi raqamlarga qo‘ng‘iroq qilish so‘raladi: +998 (88) 198-06-10, +998 (95) 195-55-99 yoki 102.

Source: podrobno.uz