Toshkent, Podrobno.uz. Sergeli tumanida “O‘zbekiston temir yo‘llari” AJ xodimi A’zam Ibragimov kuchli oqim bilan ketayotgan ikki qizni Karasu kanalidan qutqarib qoldi.

Voqea 9 iyun kuni temiryo‘lchi o‘z xizmat vazifasini bajarayotgan vaqtda sodir bo‘ldi. Suv havzasi yaqinida ishlayotgan erkak kanalda ikki bolani ojiz holatda oqim bilan ketayotganini ko‘rib qolgan. Yordam so‘rab qichqiriqlarni eshitgan xodim darhol suvga otilib, qizlarni xavfli hududdan muvaffaqiyatli chiqarib oldi.

Ko‘rsatgan jasorati, tezkorligi va fidoyiligi uchun “O‘zbekiston temir yo‘llari” AJ rahbariyati qahramonni taqdirladi. A’zam Ibragimovga tantanali ravishda tashakkurnoma, esdalik sovg‘asi va pul mukofoti topshirildi.

Source: podrobno.uz