Viloyat FVB matbuot xizmati xabariga ko‘ra, fojia 8 iyun kuni Surxondaryo viloyati Jarqo‘rg‘on tumanidagi “Namuna” mahallasi hududida sodir bo‘ldi.

11-sinfning olti nafar 18 yoshli o‘quvchisi aholi punktidan oqib o‘tuvchi Surxon daryosida cho‘milishga kelgan. Kuchli oqim uch nafar o‘smirni olib ketgan, ular cho‘kib ketgan.

Ma’lum qilinishicha, o‘smirlardan biri cho‘milishdan bosh tortgan. Qolgan besh nafari daryoda cho‘milishga kirgan, biroq kuchli oqim ularni suv ostiga tortib ketgan. Yaqin atrofda bo‘lgan profilaktika inspektori, inspektor yordamchisi va mahalla raisi ikki yigitni qutqarib qolgan.

Shu kuni g‘avvoslar suvdan bir nafar halok bo‘lganning jasadini olib chiqishgan. Bir kundan so‘ng ikkinchi yigitning jasadi topilgan. Hozirda uchinchi halok bo‘lganning jasadini qidirish ishlari davom etmoqda.

Qayd etilishicha, daryoda uch nafar yoshning halok bo‘lishi mintaqadagi birinchi bunday holat emas. Aholi belgilanmagan joylarda cho‘milmaslikka va suvda faqat maxsus jihozlangan va ruxsat etilgan zonalarda dam olishga chaqirilgan.

Source: uznews.uz