Qashqadaryo viloyatida huquq-tartibot xodimlari sudya yordamchisini 2,5 ming dollar pora olayotganda ushladi. U Majburiy ijro byurosi (MIB) xodimidan pul talab qilgan, go‘yoki o‘z tanishlari orqali ishga joylashishiga yordam berganini da’vo qilgan.

Tergov ma’lumotlariga ko‘ra, jabrlanuvchi joriy yilning may oyidan boshlab Qashqadaryo viloyati MIBning tuman bo‘linmalaridan birida ishlagan. Sudya yordamchisi aynan uning ko‘magi va aloqalari tufayli fuqaro bu lavozimni olganini ta’kidlab, buning uchun 2,5 ming dollar “minnatdorchilik” talab qilgan. Bundan tashqari, u kelajakda xodimni unga qulayroq tumanlardan biridagi MIB bo‘linmasiga o‘tkazishni va’da qilgan.

Davlat xavfsizlik xizmati va Iqtisodiy jinoyatlarga qarshi kurash departamenti xodimlari tomonidan o‘tkazilgan tezkor tadbirda sudya yordamchisi o‘z xizmat xonasida kelishilgan summani olayotgan vaqtda qo‘lga olindi.

Ushbu shaxsga nisbatan jinoyat ishi qo‘zg‘atilgan va tergov harakatlari olib borilmoqda.

Eslatib o‘tamiz, avval Surxondaryo viloyatida bir erkak 4 ming dollar evaziga tanishini Iqtisodiy jinoyatlarga qarshi kurash departamentiga ishga joylashtirishni va’da qilgani uchun qo‘lga olingandi.

Source: podrobno.uz