28-iyun kuni kechqurun Toshkentdagi “Yuqsak” podstansiyasida yuz bergan avariya sababli poytaxtning to‘rt tumani va Toshkent viloyatining bir qismida 55 mingga yaqin iste'molchi vaqtincha elektr ta'minotidan uzildi.

Energetika vazirligi ma'lumotlariga ko‘ra, avariya soat 20:45 da 110 kV kuchlanishli tarmoqdagi texnik nosozlik tufayli yuz berdi. Bu Toshkent IESidagi umumiy quvvati 60 MVt bo‘lgan ikkita gaz turbinali qurilmaning o‘chirilishiga olib keldi.

Elektr uzilishi Yakasaroy, Chilonzor, Mirobod va Uchtepa tumanlari, shuningdek, Toshkent viloyatining Zangiota tumani aholisiga ta'sir ko‘rsatdi. Bundan tashqari, ayrim kichik sanoat korxonalari ham vaqtincha yorug‘siz qoldi.

Tiklash ishlari tun bo‘yi davom etdi. Soat 21:50 ga kelib Yakasaroy, Chilonzor va Uchtepa tumanlaridagi iste'molchilarning katta qismiga elektr ta'minoti qaytarildi. Yarim tundan keyin qolgan abonentlar bosqichma-bosqich ulandi: soat 00:08 da Mirobod tumanida, 00:09 da Yakasaroy va Chilonzor tumanlarining yana bir qismida, 00:25 da esa Chilonzor va Zangiota tumanlarining qolgan hududlarida.

Energetika vazirligi barcha iste'molchilarning elektr ta'minoti to‘liq tiklanganini ma'lum qildi va yuzaga kelgan noqulayliklar uchun aholidan uzr so‘radi.

Source: podrobno.uz