O‘zbekiston, Toshkent – Podrobno.uz. Uyiga quyosh panellari o‘rnatgan fuqarolar joriy yilning aprel-may oylari uchun subsidiya summalarini olishlari mumkin.

Ushbu davrda “Quyoshli xonadon” davlat dasturidan 60 193 nafar jismoniy shaxs foydalandi. Ularga davlat budjetidan yagona elektr tarmog‘iga berilgan 156 million 125 ming 388 kilovatt-soat elektr energiyasi uchun 156 milliard 125 million so‘m subsidiya to‘lanadi.

Eng katta to‘lovlar quyidagi hududlarga to‘g‘ri keladi: Xorazm viloyati – 29,1 milliard so‘m; Buxoro viloyati – 27,1 milliard so‘m; Qoraqalpog‘iston Respublikasi – 19,1 milliard so‘m.

Hisoblangan pullarni bank kartasiga o‘tkazish “Soliq” mobil ilovasi orqali amalga oshirilishi mumkin. Buning uchun “Keshbek va imtiyozlar” bo‘limiga kirib, “Quyoshli xonadon” yorlig‘ini tanlash va “Kartaga pul o‘tkazish” oynasidan foydalanish kerak.

Eslatib o‘tamiz, 2023-yil 1-aprelda ishga tushirilgan “Quyoshli xonadon” dasturi doirasida jismoniy shaxslarga quyosh panellari orqali ishlab chiqarilgan va yagona energetika tizimiga berilgan har bir kilovatt-soat elektr energiyasi uchun 1000 so‘m miqdorida subsidiya ajratiladi.

Source: podrobno.uz