Markaziy bank raisi o‘rinbosari Nodirbek Achilov 26-fevral kuni o‘tkazilgan ochiq muloqotda so‘m mustahkamlanishi haqida gapirdi. U 2025-yilda so‘m qadri oshganini valyuta oqimlarining ko‘payishi va taklifning talabdan tez o‘sishi bilan izohladi, bu dinamikani "fojia emas" deb ta'kidladi.

Achilovning so‘zlariga ko‘ra, so‘m mustahkamlanishi eksportyorlar uchun qiyin bo‘lsa-da, makro darajada ko‘plab iqtisodiy agentlar foyda ko‘rdi. Masalan, import to‘lovlari, xorijiy kreditlar va tashqi qarzga xizmat ko‘rsatish arzonlashdi. Transport va temir yo‘l kabi tarmoqlar eksport tushumlari import xarajatlaridan ikki-uch barobar kam bo‘lgani uchun yutdi.

U shuningdek, so‘m qadri oshishi inflyatsion kutilmalarni pasaytirish, tadbirkorlarning kurs ustamalarini kamaytirish va milliy valyutadagi depozitlarni oshirish kabi ijobiy ta'sirlarini ta'kidladi. 2025-yil boshiga nisbatan banklarda so‘mdagi jamg‘armalar 44% ga oshdi.

Achilov so‘mga ishonchni oshirish uchun kursning barqaror bo‘lishi kerakligini aytdi. U eksportyorlarning tushumlari so‘mda kamayganiga qaramay, o‘rtacha kurs atigi 78 so‘mga oshganini eslatdi.

Source: www.gazeta.uz