Toshkent shahrida joriy yilning 1–22 sentabr kunlari jamoat transportida yo‘l haqini to‘lamagan yo‘lovchilarga nisbatan 14 ming 050 nafar ma’muriy bayonnoma rasmiylashtirildi. Bu ko‘rsatkich avgust oyi natijalaridan 8 ming 494 nafarga, ya’ni 153 foizga yuqori.

Ma’lumotlarga ko‘ra, nazorat tadbirlari “Toshkent shahar yo‘lovchi tashishni monitoring qilish va nazorat qilish” davlat muassasasi mutaxassislari tomonidan amalga oshirilmoqda. Ular yo‘lovchilarga to‘lovni o‘z vaqtida amalga oshirish bo‘yicha tushuntirish ishlari olib borish bilan birga, nazorat vazifalarini ham bajaradi.

Transport vazirligi matbuot xizmatining xabar berishicha, mazkur chora-tadbirlar to‘lov intizomini mustahkamlash va shahar yo‘nalishlarida tartibni ta’minlashga qaratilgan. Avgust oyiga nisbatan sentabr oyida qayd etilgan keskin o‘sish nazoratning kuchaytirilganidan dalolat beradi.

Rasmiylar jamoat transportidan foydalanuvchi fuqarolarni chipta yoki to‘lov kartasidan foydalanishga chaqirmoqda. To‘lovsiz qatnash holatlari aniqlanganda ma’muriy javobgarlik choralari qo‘llaniladi.

Source: podrobno.uz