Sofiya, Bolgariya – O'zbekiston terma jamoasi 22 fevraldan 1 martgacha bo'lib o'tgan "Strandja" xalqaro boks turnirida erkaklar va ayollar o'rtasida umumjamoa hisobida birinchi o'rinni egalladi va 17 medalni qo'lga kiritdi.

Milliy Olimpiya qo'mitasi ma'lumotlariga ko'ra, erkaklar jamoasi 3 oltin, 2 kumush va 4 bronza, ayollar jamoasi esa 4 oltin, 2 kumush va 2 bronza medalni qo'lga kiritdi. O'zbekistonlik bokschilar jami 17 medalga ega bo'ldi.

Oltin medal sohiblari: Fazliddin Erkinboyev (75 kg), Akmaljon Isroilov (85 kg), Turabek Habibullayev (90 kg), Sabina Boboqulova (48 kg), Nigina Oqramova (57 kg), Navbahor Hamidova (65 kg), Aziza Zokirova (75 kg).

Kumush medal sohiblari: Javohir Ummataliyev (80 kg), Ozodbek Aliyev (+90 kg), Feruza Qozog'ova (51 kg), Oltinoy Sotimboyeva (+90 kg).

Bronza medal sohiblari: Asilbek Jalilov (50 kg), Shavkatjon Boltayev (70 kg), Norbek Abdullayev (85 kg), Samir Sobirov (90 kg), Farzona Fozilova (48 kg), Ruxshona Parpiyeva (80 kg).

Umumjamoa hisobida ikkinchi o'rin Qozog'iston, uchinchi o'rin Ukraina terma jamoasiga tegishli bo'ldi. O'tgan yilgi "Strandja" turnirida O'zbekiston bokschilari 8 medal bilan ikkinchi o'rinni egallagan edi.

Source: podrobno.uz