O‘zbekistonda xavfli ishlab chiqarish obyektlarida sanoat xavfsizligi talablarini buzib, odamlar hayoti va sog‘lig‘iga zarar yetkazilishiga sabab bo‘layotgan holatlar uchun jazo choralarini keskinlashtirish rejalashtirilmoqda. Ushbu tashabbus doirasida tegishli qonun loyihasi Oliy Majlis Qonunchilik palatasi deputatlari tomonidan birinchi o‘qishda ko‘rib chiqilib, qabul qilindi.

Kiritilayotgan o‘zgarishlarga ko‘ra, Jinoyat kodeksiga tegishli tuzatishlar kiritish, shuningdek, sanoat xavfsizligi talablariga rioya qilmayotgan, xavfli obyektlar ustidan davlat nazoratini ta'minlamayotgan yoki avariyalarning oldini olish hamda ularning oqibatlarini bartaraf etishga tayyorgarlik ko‘rmayotgan mansabdor shaxslarga nisbatan ma'muriy jarimalar qo‘llash nazarda tutilmoqda.

Qonun loyihasida huquqbuzarliklar takroran sodir etilgan taqdirda javobgarlikni yanada kuchaytirish masalalari ham o‘z aksini topgan. Shu bilan birga, hujjat vakolatli davlat organlarining vakolatlarini aniqlashtirish va ularning huquqiy maqomini yanada takomillashtirishga qaratilgan qoidalarni ham o‘z ichiga oladi.

Mas'ullarning fikricha, ushbu o‘zgarishlar sanoat xavfsizligi sohasidagi nazorat samaradorligini oshirish hamda turli avariyalar va baxtsiz hodisalarning xavfini kamaytirish imkonini berishi kutilmoqda. Shuningdek, mamlakatda suv resurslaridan foydalanish va davlat hisobini yuritish qoidalarini buzganlik uchun ham javobgarlik kuchaytirilgani avvalroq Senat tomonidan ma'qullangan edi.

Source: podrobno.uz