Toshkent shahrining Mirzo-Ulug‘bek tumanida huquqni muhofaza qiluvchi idoralar xodimlari tomonidan o‘tkazilgan tezkor tadbir davomida kuchli ta'sir qiluvchi preparatlarni qonunurish yo‘li bilan tashiyotgan shaxs fosh etildi. Ma'lum qilinishicha, gumonlanuvchining boshqaruvidagi avtomashina xolislar ishtirokida ko‘zdan kechirilganda, transport vositasining yukxonasidan 978 quti «Regapen» dori vositasi topilib, ashyoviy dalil sifatida olib qo‘yildi.

Ushbu maxsus operatsiya Bosh prokuratura huzuridagi Departament hamda boshqa huquqni muhofaza qilish organlari xodimlari bilan hamkorlikda amalga oshirilgan. Dastlabki ma'lumotlarga ko‘ra, mazkur shaxs taqiqlangan dori vositalarini poytaxt hududida sotish va tarqatish maqsadida olib kelgani taxmin qilinmoqda. Hozirda aniqlangan preparatlarning kelib chiqish manbalari va ularni sotishga mo‘ljallangan shaxslar doirasini aniqlash ishlari olib borilmoqda.

Mazkur holat yuzasidan O‘zbekiston Respublikasi Jinoyat kodeksining tegishli moddalariga asosan jinoyat ishi qo‘zg‘atilgan bo‘lib, hozirgi kunda tergov harakatlari davom ettirilmoqda. Mutaxassislarning ta'kidlashicha, oxirgi vaqtlarda bunday turdagi kuchli ta'sir qiluvchi dori vositalarining noqonuniy aylanmasiga qarshi kurashish choralari keskin kuchaytirilgan bo‘lib, shunga qaramay, huquqbuzarlar hali ham shubhali yo‘llar bilan daromad topishga urinishda davom etmoqda.

Source: podrobno.uz