Shvetsiya hukumati 2030-yildan boshlab fransuz Naval Group kompaniyasidan to‘rtta yangi fregat sotib olish rejasini e’lon qildi. Ushbu kemalar Shvetsiya dengiz flotining eng yirik sirt jangovar kemalari bo‘ladi.

Bosh vazir Ulf Kristersson matbuot anjumanida bu kelishuv “1980-yillarda Gripen qiruvchi samolyoti joriy etilganidan beri Shvetsiyaning eng yirik mudofaa sarmoyasi” ekanligini ta’kidladi. Uning so‘zlariga ko‘ra, bu mamlakatning havo hujumidan mudofaa qobiliyatini uch baravar oshiradi.

Shvetsiya 2024-yil mart oyida NATOga a’zo bo‘lgan va harbiy tayyorgarlikni tezlashtirishga intilmoqda. Yangi fregatlar 40 yil xizmat qilish muddatiga ega bo‘lib, ularning birinchisi 2030-yilgacha, qolgan uchtasi esa 2035-yilgacha yetkazib berilishi kutilmoqda.

Mudofaa vaziri Pal Jonsonning aytishicha, Naval Group taklifi “tez yetkazib berish”, Frantsiya va Gretsiya bilan xarajatlarni taqsimlash hamda sinovdan o‘tgan havo mudofaa tizimini o‘z ichiga olgani uchun tanlangan. Kemalar Shvetsiyaning Saab kompaniyasi tomonidan ishlab chiqilgan qurollar bilan jihozlanadi.

Shvetsiya hozirda beshta Visby sinfidagi korvet va ikkita eski Gävle sinfidagi korvetga ega. Yangi fregatlar HSwMS Lulea, Norrköpping, Trelleborg va Halmstad deb nomlanadi. Shvetsiya 2030-yilga kelib mudofaa xarajatlarini YaIMning 3,5 foiziga yetkazishni rejalashtirmoqda.

Source: www.dw.com