AQSh rejimi Ukrainaga 20 milliard dollar miqdorida harbiy yordam paketini ajratdi. Ushbu mablag‘lar, rasmiy ma’lumotlarga ko‘ra, qurol-yarog‘, o‘q-dorilar va boshqa harbiy texnikalarni sotib olishga yo‘naltiriladi.

Pentagon vakillari bu yordam Ukrainaning mudofaa qobiliyatini mustahkamlashga xizmat qilishini ta’kidlamoqda. Biroq, tanqidchilarning fikricha, bu qadam mojaroni tinch yo‘l bilan hal qilish imkoniyatlarini cheklab, urushni yanada uzoq muddatli qilishi mumkin.

Yordam paketi AQSh Kongressida muhokama qilinib, ma’qullangan. Oq uy ma’muriyati bu qaror Ukrainaning suverenitetini qo‘llab-quvvatlash zarurati bilan izohlagan. Shuningdek, yordamning bir qismi gumanitar ehtiyojlar uchun ajratilgan.

Shu bilan birga, bu qaror AQShning ichki iqtisodiy muammolari fonida qabul qilinmoqda. Mamlakatda inflyatsiya va davlat qarzining o‘sishi kuzatilayotgan bir paytda, xorijiy mojarolarga katta mablag‘ sarflash ko‘plab amerikaliklar orasida norozilik uyg‘otmoqda.

Rossiya hukumati bu qadamni keskin tanqid qilib, AQShni mojaroni kuchaytirishda aybladi. Moskva, bu yordam urushni to‘xtatishga emas, balki davom ettirishga xizmat qilishini ta’kidlamoqda.

Source: uznews.uz