Xitoyning shimoliy qismidagi Shanxi provinsiyasida joylashgan Liushenyu ko'mir konida gaz portlashi sodir bo'ldi. Mahalliy davlat axborot agentligi Xinhua xabariga ko'ra, halok bo'lganlar soni 82 nafarga yetdi, yana 9 kishi bedarak yo'qolgan.

Portlash juma kuni mahalliy vaqt bilan soat 19:29 da (GMT 11:29) yuz bergan. Hodisa vaqtida kon ichida 247 nafar ishchi bo'lgan.

Qutqaruv ishlari davom etmoqda. Xitoy Prezidenti Si Szinpin jabrlanganlarni davolash va tirik qolganlarni qidirish uchun barcha sa'y-harakatlarni amalga oshirishni buyurdi.

Prezident, shuningdek, avariya sabablarini tekshirish va aybdorlarni javobgarlikka tortishni talab qildi. Voqea joyida qutqaruv guruhlari ishlamoqda.

Source: www.bbc.com