AQSh Davlat kotibi Marko Rubio 23-25 iyun kunlari Birlashgan Arab Amirliklari, Quvayt va Bahraynga tashrif buyurishi kutilmoqda. Bu haqda AQSh Davlat departamenti dushanba kuni e’lon qildi.

Tashrif davomida Rubio Eron bilan imzolangan memorandum, Hormuz bo‘g‘izi orqali to‘liq va xavfsiz tranzitni ta’minlash hamda mintaqada tinchlik va barqarorlikni mustahkamlash kabi dolzarb masalalarni muhokama qiladi.

Bahraynda u Fors ko‘rfazi hamkorlik kengashi (GCC) a’zolari bilan uchrashib, mintaqaviy ustuvorliklarni ko‘rib chiqadi. GCC tarkibiga Saudiya Arabistoni, Qatar va Ummon ham kiradi.

Ushbu tashrif AQSh va Eron o‘rtasida murakkab masalalar bo‘yicha muzokaralar davom etayotgan bir paytga to‘g‘ri keladi. Ikki davlat o‘rtasidagi urushni to‘xtatgan memorandum ko‘plab mintaqa davlatlari tomonidan ijobiy qabul qilingan bo‘lsa-da, Eronning qo‘shnilarga hujumlari AQShning mintaqadagi xavfsizlik hamkorligiga oid savollarni keltirib chiqardi.

Hormuz bo‘g‘izi orqali tranzit urushdan oldingi darajadan pastligicha qolmoqda. Kpler tahliliy kompaniyasi ma’lumotlariga ko‘ra, dam olish kunlari bo‘g‘izdan 71 ta kema o‘tgan, holbuki urushdan oldin bu ko‘rsatkich kuniga 100-131 ni tashkil etgan.

Memorandunga ko‘ra, Eron 60 kunlik muzokaralar davrida tranzit to‘lovlarini undira olmaydi. Biroq Eron rasmiylari ushbu muddat tugaganidan keyin to‘lov joriy etishni rejalashtirmoqda.

Source: www.aljazeera.com