Qatar hukumati Ras Laffan sanoat hududidagi portlashda halok bo‘lgan 12 hindistonlikdan to‘rttasining jasadini Hindistonga qaytardi. Hindistonning Dohadagi elchixonasi bu haqda ma’lum qildi.

21-iyun kuni Barzan gazni qayta ishlash zavodida sodir bo‘lgan portlashda jami 13 kishi halok bo‘lgan, ulardan 12 nafari Hindiston fuqarolari edi. Qatarlik rasmiylar voqeani “texnik avariya” deb atagan.

Portlashda 66 kishi yaralangan. Elchixona qolgan jasadlarni ham yaqin kunlarda vatanga qaytarishga umid qilayotganini va marhumlarning oilalari bilan aloqada ekanligini bildirdi.

Shuningdek, elchixona yaralangan hindistonliklar bilan ham bog‘lanib, ularga yordam ko‘rsatilayotganini ta’kidladi. Bu voqea Qatarda so‘nggi yigirma yildagi eng halokatli gaz sanoati avariyalaridan biri hisoblanadi.

Source: www.dw.com