Fransiyaning janubi-g‘arbiy qismida kuchli o‘rmon yong‘ini davom etmoqda. Yong‘in Bordo shahriga yaqinlashgani sababli yana 55 ming kishi evakuatsiya qilindi. Natijada faqat Gironde mintaqasida uylarini tark etganlar soni 220 ming kishiga yetdi.

Gironde prefekturasi yakshanba kuni kechqurun Bordoning janubi-g‘arbidagi beshta aholi punktiga evakuatsiya haqida buyruq berdi. Olov shamol tufayli tez tarqalmoqda va chorshanba kundan beri nazoratdan chiqqan.

Prefekt, shuningdek, Bordodan janubi-g‘arbga ketuvchi asosiy magistralning qisman yopilishini buyurdi. Shahar merining so‘zlariga ko‘ra, yong‘in hali ham metropoliten hududi darvozasida turibdi va eng yaqin nuqtada Bordodan atigi 15 km uzoqlikda.

Landes mintaqasida ikkinchi yong‘in ham bu hafta 30 ming kishini evakuatsiya qilishga majbur qildi. Ikkala yong‘indan jami 250 mingdan ortiq odam uylarini tark etdi.

Qo‘shni Ispaniyada ham Madriddan g‘arbda yong‘inlar tufayli bu hafta 70 ming kishi evakuatsiya qilindi.

Source: www.aljazeera.com