Misrning Damietta portidagi gazni qayta ishlash va saqlash uchun mo‘ljallangan ikki kema yonib ketdi. Neft vazirligi ma’lumotlariga ko‘ra, hech kim jabrlanmagan.

Vazirlik chorshanba kuni bergan bayonotida “favqulodda vaziyat va tezkor choralar rejasiga muvofiq vaziyat darhol nazoratga olindi”, deb aytgan, ammo yong‘in sababi aniqlanmagan.

Dengiz yuk tashish xizmati Inchcape avvalroq suyultirilgan gaz terminalida portlash sodir bo‘lganini xabar qilgan. Portning boshqa to‘xtash joylari va terminallarida ishlar kechasi tiklanishi kutilmoqda.

Reuters agentligi Britaniya dengiz xavfsizligi kompaniyasi Ambreyga tayanib, portdagi AQShga tegishli suzuvchi saqlash tankeriga dron hujum qilganini xabar qilgan. Ekipaj evakuatsiya qilingan va yong‘in nazoratga olingan.

Hozircha hech kim javobgarlikni o‘z zimmasiga olmagan. Bu voqea AQSh prezidenti Donald Trampning Eronga “qattiq” zarba berish va’dasidan so‘ng yuz berdi, avvalroq Eron AQSh bazalariga raketa hujumlari uyushtirgan edi.

Source: www.aljazeera.com