Misrlik futbolchi Muhammad Salah Turkiyaning “Trabzonspor” klubi bilan ikki yillik shartnoma imzoladi. Bu haqda klub rasmiy sayti xabar berdi.

34 yoshli hujumchi “Liverpul” bilan shartnomasi tugaganidan so‘ng erkin agentga aylangan edi. Chorshanba kuni u Istanbulga yetib kelib, shartnomani rasmiylashtirish uchun Trabzon shahriga yo‘l oldi.

Salahni aeroportda yuzlab muxlislar kutib oldi. Ular futbolchining nomini aytib, bayroqlar ko‘tarib, unga gulchambarlar taqdim etishdi. Rasmiy taqdimot marosimi payshanba kuni bo‘lib o‘tadi.

Salah “Liverpul” safida 442 o‘yinda 257 gol urib, klub tarixidagi eng yaxshi to‘purarlardan biriga aylandi. U Angliya chempionatini ikki marta, Chempionlar ligasini esa bir marta yutgan.

Biroq so‘nggi mavsumda Salahning formasi pasayib, 12 gol urdi va bosh murabbiy Arne Slot bilan janjallashib qoldi. Mart oyida u klubni tark etishini e’lon qilgan edi.

“Trabzonspor” Turkiyaning yetti karra chempioni bo‘lib, o‘tgan mavsumni uchinchi o‘rinda yakunlagan. Jamoa yangi mavsumda chempionlik uchun kurashishni maqsad qilgan.

Source: www.aljazeera.com