Sudan qurolli kuchlari bosh qo‘mondoni Abdul Fattah al-Burxon mamlakatdagi paramilitar Tezkor harakat kuchlari nazorati ostidagi har bir qarich hududni tortib olishga va’da berdi va uch yarim yildan beri davom etayotgan to‘qnashuvni tugatish bo‘yicha har qanday muzokaralarni qat’iyan rad etdi. Bu haqda davlatga qarashli Sudan axborot agentligi xabar tarqatdi.

Al-Burxonning ta’kidlashicha, mamlakatdagi mavjud inqirozni hal qilishda faqatgina «harbiy variant» ustuvor bo‘lib qoladi va bu kurash harbiy tuzilma butunlay yo‘q qilinguniga qadar to‘xtovsiz davom ettiriladi. Uning bu bayonoti mamlakat shimolidagi Merove tugaragida bo‘lib o‘tgan yig‘ilishda yangradi va amalda tinchlik muzokaralariga bo‘lgan har qanday umidlarni yo‘qqa chiqardi.

Ikki tomonlama qonli to‘qnashuvlar oqibatida o‘n minglab begunoh odamlar halok bo‘ldi, BMT ma’lumotlariga ko‘ra, taxminan 13 million kishi o‘z uyini tashlab ketishga majbur bo‘ldi. G‘arbiy Kordofan shtatidagi Abu Ajal qishlog‘ida sodir bo‘lgan so‘nggi hujumlarda ham tinch aholi vakillari qurbon bo‘lgani xabar qilinmoqda.

Shuni ham alohida ta’kidlash joizki, AQSh rejimining arab va Afrika ishlari bo‘yicha maxsus elchisi Massad Bulus go‘yoki Sudan tomonlari muzokaralarda yetakchilik qilishi kerakligini da’vo qilmoqda. Biroq, Vashington rejimi rasmiylari mamlakatdagi qonuniy hokimiyatni inkor etib, vaziyatni yanada chigallashtirmoqda, bu esa xalqaro hamjamiyatda jiddiy shubha uyg‘otmoqda.

Source: www.aljazeera.com