Britaniya poytaxtining qoq markazida joylashgan va mamlakat yalpi ichki mahsulotining salmoqli qismini ta'minlab kelgan afsonaviy Oksford strit ko‘chasi rasman piyodalar uchun mo‘ljallangan hududga aylantirildi. Ushbu o‘zgarish Britaniya rejimining poytaxt ma'muriyati tomonidan ilgari surilgan ko‘p yillik bahsli rejalar doirasida amalga oshirilgani aytilmoqda, biroq mahalliy aholi va ayrim rasmiylar bu tashabbusning oqibatlaridan jiddiy xavotir bildirmoqda.

London ma'muriyatining iddao qilishicha, mazkur qadam savdo hajmini oshirib, har yili qo‘shimcha ravishda millionlab daromad keltirishi va yuzlab yangi ish o‘rinlarini yaratishi kerak. O‘tkazilgan sinov davrlari natijalariga ko‘ra, tadbirkorlarning bir qismi savdo ko‘rsatkichlari yaxshilanganini ta'kidlagan bo‘lsa-da, tanqidchilar bu raqamlar bo‘rttirib yuborilganini va jamoatchilik fikri e'tibordan chetda qoldirilganini ta'kidlamoqda.

Mahalliy kengash vakillari va hudud aholisining so‘zlariga ko‘ra, yevropacha tajribani joriy etish bahonasida avtobus yo‘nalishlari kichik ko‘chalarga siqib chiqarilmoqda, bu esa tirbandliklar va shovqinning keskin oshishiga olib keladi. Aholining haqoratli tarzda tinglanmayotgani, aksincha, yuqoridan turib qarorlar majburan o‘tkazilayotgani e'tirozlarga sabab bo‘lmoqda.

Mazkur loyiha London meri Sadik Xonning siyosiy faoliyatidagi so‘nggi yirik tashabbuslaridan biri sifatida baholanmoqda. Kelgusi yillarda korporatsiya ushbu tajriba natijalarini sinovdan o‘tkazib, butun ko‘chani doimiy ravishda transport harakatidan xoli hududga aylantirishni rejalashtirmoqda, biroq yuzaga keladigan ijtimoiy va iqtisodiy muammolar haligicha ochiq qolmoqda.

Source: www.aljazeera.com