O‘zbekistonga haj safarini ado etgan ziyoratchilar qaytishni boshladi. 2-iyun, seshanba kuni Islom Karimov nomidagi Toshkent xalqaro aeroportiga birinchi reyslar yetib keldi.

O‘zbekiston musulmonlari idorasi ma’lumotiga ko‘ra, vatanga birinchi bo‘lib Toshkentlik ziyoratchilar qaytgan. Shuningdek, respublikaning o‘nta viloyat xalqaro aeroportlarida tantanali kutib olish marosimlari rejalashtirilgan.

Vatandoshlarning Jidda shahridan qaytishi 19-iyungacha davom etadi. Avvalroq, O‘zbekiston prezidenti tashabbusi bilan 100 nafar vatandoshimiz “Prezident haj” dasturi doirasida bepul haj safariga jo‘natilgani xabar qilingan edi.

Source: podrobno.uz