O‘zbekistonning Turkiyadagi Bosh konsulligi xabariga ko‘ra, 29 may kuni 29 yoshli o‘zbekistonlik ayolning o‘limi haqida ma’lumot olingan. Dastlabki ma’lumotlarga ko‘ra, u o‘z joniga qasd qilgan.

Hozirda jasadni vatanga qaytarish bo‘yicha ishlar olib borilmoqda. Konsullik va mahalliy organlar ishtirokida barcha zaruriy tartib-taomillar amalga oshirilmoqda.

Avvalroq, may oyi boshida Sakarya viloyatidagi alyuminiy zavodlaridan birida baxtsiz hodisa yuz berib, 54 yoshli o‘zbekistonlik fuqaro halok bo‘lgan edi. Uning jasadi O‘zbekistonga olib kelingan.

Ikkala holat bo‘yicha Turkiya huquq-tartibot organlari tergovni davom ettirmoqda. Bu Turkiyada o‘zbekistonliklar ishtirokidagi ilk bunday hodisalar emas.

Avvalroq Izmirda 22 yoshli o‘zbekistonlik ayolning derazadan yiqilib o‘limi va Balikesir viloyati o‘rmonida 46 yoshli ayolning jasadi topilgani haqida xabar berilgan edi.

Source: podrobno.uz